अपराध महाशाखाका ‘इन्सपेक्टर’ ४० हजार घुससहित पक्राउ

२५ मंसिर २०७६, बुधबार

पढ्न लाग्ने समय : < 1 मिनेट

फाइल फोटो

काठमाडौं– अख्तियार दुरुपयोग अनुसन्धान आयोगले महानगरीय अपराध महाशाखा, काठमाडौंका प्रहरी निरीक्षक जय नेपाल थापालाई घुससहित पक्राउ गरेको छ ।

सेवाग्राहीसँग ४० हजार घुस लिइसकेको अवस्थामा उनलाई अख्तियारको टोलीले ललितपुर महानगरपालिका १५ को शुद्ध साकाहारी खाजाघरबाट पक्राउ गरेको हो ।

उनले अभियुक्त पक्राउ नगरी ठगी भएको रकम असुल उपर गराउने वातावरण मिलाई दिए वापत सेवाग्राहीसँग घुस लिएको अख्तियारले जनाएको छ ।

प्रकाशित मिति : २५ मंसिर २०७६, बुधबार ८ : ३५ बजे

प्रतिक्रिया