काठमाडौं- आर्सनल इंग्लिस प्रिमियर लिग फुटबल अन्तर्गत बिहीबार राति भएको खेलमा परातिज भएको छ । घरेलु मैदानमा भएको खेलमा आर्सनल ब्राइटनसँग २-१ ले पराजित भएको हो।

वेब्स्टरले ३६ औँ मिनेटमा गोल गर्दै ब्राइटनलाई सुरुवाति अग्रता दिलाए । पछि परेको आर्सनलका लागि ५० औँ मिनेटमा लाकाजेटीले बराबरी गोल गरे । तर ८० औँ मिनेटमा माउपेले गोल गर्दै ब्राइटनलाई जित दिलाएका हुन् ।

उनाइ एमरी बर्खास्त भएपछि प्रशिक्षक बिहीन रहेको आर्सनल सन् १९७७ यताकै खराब जितबिहीन यात्रामा छ । १९ अंकसहित १० औँ स्थानमा रहेको आर्सनलले सबै प्रतियोगितामा गरेर पछिल्ला ९ खेलमा जित निकाल्न सकेको छैन ।

यसैबिच लिग अन्तर्गत बिहीबार राति नै भएको खेलमा न्युक्यासल युनाइटेडले शेफिल्ड युनाइटेडलाई २ ० ले पराजित गरेको छ ।