काठमाडौं- नेपालमा १३ औँ साग खेलकुदका कारण उपत्यकामा केहि सवारी रुट दुई दिन बन्द हुने भएका छन् ।

ट्राफिक प्रहरीले एक सूचना जारी गर्दै २ दिन सवारी व्यवस्थापन गर्न र बैकल्पिक मार्ग खोज्न पनि आग्रह गरेको छ । महानगरीय ट्राफिक प्रहरी महाशाखाले शुक्रबार र शनिबार कलंकीदेखि सूर्यविनायकसम्मको सडकमा वैकल्पिक मार्ग खोज्न आग्रह गरेको हो ।

सागअन्तर्गत हुने साइक्लिङका कारण शुक्रबार कलंकीदेखि सातदोबाटो हुँदै कोटेश्वर र शनिबार कोटेश्वरदेखि सूर्यविनायकसम्म सवारी नचलाउने आग्रह गरेको हो ।

ट्राफिक प्रहरीले अत्यावश्यक सवारी साधनको सञ्चालनमा भने रोक लगाएको छैन । २ दिन दायाँ–बायाँको सर्भिस लेनमा मात्रै सवारी चलाउन आग्रह गरेको हो । ट्रफिक प्रहरीले शनिबार जागतीतर्फ जाने सवारीलाई भने पेप्सिकोलातर्फबाट जान आग्रह गरेको छ ।