काठमाडौं–१३ औं साग खेलको साइकिलिङ कंलकी – कोटेश्वर र कलंकी–सूर्यविनायक सडकखण्डमा हुने भएको छ ।

उक्त खेल शुक्रवार कंलकी कोटेश्वर सडकखण्डमा हुने छ । उक्त सडकखण्डमा आवतजावत गर्ने सडक प्रयोगकर्तालाई सर्भिस लेनको प्रयोग गरिदिनका लागि महानगगरीय ट्राफिक प्रहरी महाशाखाले आग्रह गरेको छ ।

साथै शनिवार कलंकीदेखि सूर्यविनायक सडकखण्डमा सोही खेल हुने भएकाले खेल हुने समयवधिभर सडक प्रयोगकर्तालाई सर्भिस लेनको प्रयोग गरिदिन महाशाखाले अनुरोध गरेको छ ।

महाशाखाकाअनुसार कोटेश्वरबाट गठ्ठाघर, सल्लाघारी हँदै जगातीतर्फ जाने यात्रुहरुले जडीबुटी, पेप्सीकोला, पुरानो ठिमी, व्यासी, कमलविनायक, च्यामासिंह हुँदै जगातीको सडक प्रयोग गर्न सक्नेछन् ।

खेल हुने समयमा अत्यावश्यक बाहेक अन्य सवारी चल्ने छैनन् ।