प्यूठान– प्यूठानको ऐरावती गाउँपालिका २ को वडाध्यक्षमा स्वतन्त्र उम्मेदवार विजयी भएका छन् ।
नेकपाले जनमोर्चासँग तालमेल गरि जनमोर्चाका उम्मेदवारलाई सहयोग गर्ने निर्णय गरेपछि भिमेश कुमार घर्ती मगरले बागी उम्मेदवारी दिएका थिए ।
घर्ती मगरले ८सय ५५ मत पाउँदै जित दर्ता गरे । उनका निकटतम प्रतिद्वन्दी राष्ट्रिय जनमोर्चाका भक्त बहादुर बिकले ५ सय ४ मत प्राप्त गरे ।
यस वडामा वडाध्यक्षका लागि एक हजार सात सय ४१ मत खसेको थियो । जसमध्ये २६ मत बदर भएको थियो ।
मगर नेपाल कम्युनिष्ट्र पार्टी (नेकपा) ऐरावती गाउँ कमिटीका सचिवालय सदस्य हुन् । तर नेकपाले जनमोर्चासँग चुनावी तालमेल गरेपछि उनले बागी उम्मेदवारी दिएका थिए ।
प्रतिक्रिया