काठमाडौँ– शनिबार सम्पन्न उपनिर्वाचन अन्तर्गत प्रदेशसभातर्फ भक्तपुर निर्वाचन क्षेत्र नम्बर १ को प्रदेश ‘क’ मा नेपाली कांग्रेसका उम्मेदवार जीत तर्फ अग्रसर भएका छन् ।

चाँगुनारायणका ९ वटा वडाको मत गणना भइसकेको अवस्थामा कांग्रेस उम्मेदवार कृष्णलाल भँडेलले १३०८३ मत पाएका छन् । उनका निकटतम प्रतिद्वन्द्वी नेकपाका देवीप्रसाद ढकालले १०६९४ मत पाएका छन् ।

नेपाल मजदुर किसान पार्टी (नेमकिपा) का निरज लवजू ३८६० मत पाएका छन् । चाँगुनारायण नगरपालिका वडा नम्बर १ देखि ९ सम्म मत गणना गरिएको, भक्तपुर नगरपालिका वडा न १० को मात्र मतगणना हुन बाँकी छ । यसअघि यो निर्वाचन क्षेत्रमा तत्कालिन नेकपा एमालेका उम्मेदवारले जितेका थिए ।