काठमाडौं- युरोपा लिग फुटबलमा आर्सनल घरेलु मैदानमा पराजित भएको छ ।

बिहीबार राति भएको खेलमा आर्सनल बुन्डेशलिगा क्लब आईन्ट्याच फ्रान्कफर्टसंग २–१ ले पराजित भएको हो ।

३१ औ मिनेटमा डेबिड लुईज छातिमा चोट बोक्दै मैदान छाडेपछि आर्सनलको लय र नियन्त्रण गुमाएको थियो ।

पियरिक एम्रिक अबुमियाङले ४५ औ मिनेटमा घरेलु टोलीलाई अग्रता दिलाएका थिए ।

५५ औ मिनेटमा पाहुना टोलीका लागि जापानिज फरवार्ड दची कामडाले बराबरी गोल फर्काए । ६४ औ मिनेटमा उनैले ब्यक्तिगत दोस्रो गोल गर्दै लण्डन क्लबलाई निराश बनाउने काम गरे ।

आर्सनल छनोटको अन्तिम खेलमा स्ट्यान्डर्ट लिगसंग ठुलो अन्तरको हार रोके मात्र समेत युरोपा लिगको अन्तिम ३२ मा छनोट हुनेछ ।

हारपछि समेत आर्सनल ५ खेलबाट १० अंक सहित तालिकाको शीर्ष स्थानमा छ । फ्रान्कफर्ट ९ अंक जोड्दै तालिकाको दोस्रो स्थानमा छ ।