काठमाडौं – नेपाल प्रिमियर लिग (एनपीएल)को तेस्रो संस्करण सुरु भएसँगै कीर्तिपुरस्थित त्रिवि क्रिकेट मैदानमा क्रिकेटको रौनक देखिएको छ । प्रतियोगिताको उद्घाटन खेलमा साविक विजेता लुम्बिनी लायन्स र उपविजेता सुदूरपश्चिम रोयल्स आमनेसामने हुँदा मैदानमा खेलाडीको प्रतिस्पर्धासँगै दर्शकको उत्साह पनि देखिएको हो ।

सोमबारदेखि सुरु भएको प्रतियोगिताको पहिलो खेलमा लुम्बिनीले सुदूरपश्चिमलाई ७ विकेटले पराजित गर्दै सुखद सुरुआत गरेको छ । अघिल्लो संस्करणको फाइनलमा पनि यी दुई टोलीबीच प्रतिस्पर्धा भएको थियो । त्यसैले यसपटकको उद्घाटन खेललाई समर्थकले विशेष चासोका साथ हेरेका थिए ।

प्रधानमन्त्री बालेन्द्र शाहले उद्घाटन गरेको प्रतियोगिताको पहिलो खेलमा दर्शकको उल्लेख्य उपस्थिति देखिएको थियो। मैदानमा समर्थकको उत्साह, खेलाडीको प्रतिस्पर्धा र एनपीएलको सुरुआती माहोलले नेपाली क्रिकेटको लोकप्रियता झल्काएको थियो ।