काठमाडौं– प्रहरीले एक लाख ५९ हजार साउदी रियाल सहित एक जना भारतीय नागरिकलाई त्रिभुवन अन्तर्राष्ट्रिय विमानस्थलबाट पक्राउ गरेको छ ।

काठमाडौंबाट दुबई जान लागेका भारतीय नागरिक अशफाक मिर्जालाई साे बराबरको रकमसहित विमानस्थल प्रहरीले पक्राउ गरेको हो ।

आइतबार दिउँसो साढे ५ बजेकाे उडानमार्फत दुबई जान लागेका उनीमाथि चेकजाँचका क्रममा खैरो रंगको ब्यागभित्र फल्स बटम बनाई लुकाइछिपाइ एक लाख ५९ हजार साउदी रियाल लैजान लागेको अवस्थामा प्रहरीले पक्राउ गरेको हो ।

पासपोर्ट नम्बर पी-९२२६३३३ रहेका मिर्जालाई प्रहरीले पक्राउ गरी आवश्यक अनुसन्धान जारी राखेको छ । प्रहरीले उनको साथबाट ५०० दरको साउदी रियाल ३१८ थान बरामद गरेको जनाएको छ ।