काठमाडौं– मर्निङ वाकमा निस्किएका एक चिकित्सकको दुर्घटनामा परी मृत्य भएको छ ।

नयाँबानेश्वर घर भएका एनेस्थेसियाका वरिष्ठ डाक्टर प्रभु जोशीको आफ्नै घर अगाडि सवारीले ठक्कर दिँदा मृत्यु भएको प्रहरीले जनाएको छ ।

७२ वर्षीय जोशी मर्निङ वाक निस्कएको बेला विहान ६ बजे संसद भवनको दक्षिण गेट अगाडि सवारीसाधनले ठक्कर दिएको प्रहरी वृत्त नयाँ बानेश्वरले जनाएको छ ।

प्रहरीका अनुसार दुर्घटनामा उनको टाउको क्षतविक्षत भएको र घटनास्थलमै मृत्यु भएको थियो । तर कस्तो र  कुन सावरी साधनले ठक्कर दिएको हो भन्ने अझै खुलेको छैन ।

प्रहरीले सीसीटीभी फुटेज हेरेर घटनाको विषयमा थप अनुसन्धान गरीरहेको जनाएको छ । उनी इशान बाल तथा महिला अस्पतालमा कार्यरत थिए । उक्त अस्पतालका उनी शेयर होल्डर समेत थिए ।

डा जोशी यसअघि त्रिवि शिक्षण अस्पतालम एनेस्थेसियामा कार्यरत थिए ।

इशान अस्पतालका एक कर्मचारीका अनुसार डा जोशी इशान अस्पतालमा शुरुदेखि नै लगानीकर्ता हुन् । उनी टिचिङ अस्पतालबाट अवकाश पाएदेखि इशान अस्पतालमै एनेस्थेसियामा समेत काम गर्ने गर्थें ।

डा जोशीकी पत्नी ललिता जोशी समेत चिकित्सक हुन् । उनी स्त्रीरोग विशेषज्ञ हुन् ।

डा जोशीको शब अहिले टिचिङ अस्पतालमा राखिएको छ । घटनाको विषयमा प्रहरी थप अनुसन्धान गरीरहेकाले उनको शव पोष्टमार्टम गरिएको छैन ।