एजेन्सी– अन्तर्राष्ट्रिय ऊर्जा निकाय (आईईए) का सदस्य राष्ट्रहरूले रणनीतिक भण्डारबाट हालसम्म ३२ करोड ५० लाख ब्यारेल कच्चा तेल तथा तेलजन्य उत्पादन बजारमा पठाएको आईईएले जनाएको छ।

अन्तर्राष्ट्रिय बजारमा इन्धनको अभाव हुन नदिन मार्चमा आईईएका सदस्य राष्ट्रहरूले रणनीतिक भण्डारबाट कुल ४० करोड ब्यारेल तेल बजारमा पठाउने प्रतिबद्धता जनाएका थिए। त्यसै प्रतिबद्धताअन्तर्गत हालसम्म उक्त परिमाणमा तेल बजारमा पठाइएको हो।

यो विवरण विश्वका प्रमुख सात औद्योगिक राष्ट्रहरूको समूह ९जी–७० ले आईईएसँग समन्वय गरी अमेरिका–इरान युद्धका कारण उत्पन्न विश्वव्यापी ऊर्जा आपूर्तिसम्बन्धी चिन्ता कम गर्न थप १० करोड ब्यारेल डिजेल र कच्चा तेल बजारमा पठाउने सहमति जनाएको भोलिपल्ट सार्वजनिक भएको हो।

तर जी–७ को पछिल्लो निर्णयमा मार्चमा आईईएले गरेको प्रतिबद्धताअन्तर्गत बाँकी रहेको ७ करोड ५० लाख ब्यारेल तेल पनि समावेश छ कि थप आपूर्तिका रूपमा पठाउन लागिएको हो भन्ने स्पष्ट पारिएको छैन।

आईईएको मार्चको प्रतिबद्धताअनुसार अब करिब ७ करोड ५० लाख ब्यारेल तेल बजारमा पठाउन बाँकी छ।