काठमाडौं । नेपाल आयल निगमले पेट्रोलियम पदार्थको मूल्य यथावत् राखेको छ । अन्तर्राष्ट्रिय बजारमा पेट्रोलियम पदार्थको मूल्य बढे पनि भोटेकोसी विपद्का कारण पेट्रोलियम पदार्थको भाउ यथावत् राखिएको निगमले जनाएको छ ।

भारतबाट असोज १४ गतेबाट पेट्रोलमा प्रति लिटर २०.४४ रुपैयाँ, डिजेलमा २०.२१ र मट्टितेलमा १५.९६ रुपैयाँ बढेर आएको निगमले जनाएको छ । यस्तै, हवाई भाडामा प्रति लिटर १८.६६ रुपैयाँ बढेको निगमको भनाइ छ ।

निगमले पेट्रोलियम पदार्थको मूल्य पहिलो वर्गका लागि १९७.५० ,दोस्रोका लागि १९९ र तेस्रोका लागि २०० रुपैयाँ प्रति लिटर यथावत् राखेको हो । यस्तै डिजेल र मट्टितेलको मूल्य पनि समान रहेको छ । एलपी ग्यासको मूल्य प्रति सिलिण्डर दुई हजार ६० रुपैयाँ तोेकेको छ ।

अन्तर्राष्ट्रिय बजारअनुसार मूल्य समायोजन नहुँदा पाक्षिक रूपमा तीन अर्ब २० करोड ३८ लाख घाटा हुने निगमले जनाएको छ ।