वीरगञ्ज– वीरगञ्ज युवा समाजले भोटेकोशी बाढीपछि बेपत्ता भएका वीरगञ्ज महानगरपालिका–२७ उदयपुर घुर्मी निवासी सागर कर्णको परिवारलाई आर्थिक सहयोग गरेको छ ।
समाजका अध्यक्ष सञ्जीव थापाले कर्णकी श्रीमती सरितालाई उनको निवासमा पुगेर खाद्यान्नलगायत दैनिक उपभोगका सामग्री तथा पाँच हजार १०० रुपैयाँ नगद हस्तान्तरण गरे ।
सवारी चालक कर्ण मातापिताका एक्लो सन्तान थिए । उनका वृद्ध पितामाता र दुई साना सन्तान उनको अनुपस्थितिमा खिन्न छन् ।
यसैबीच, वीरगञ्ज महानगरपालिकाले वीरगञ्ज महानगरपालिका–२७ कुहडीका २८ वर्षीय मुन्ना अन्सारीको परिवारलाई भेटेर सहयोगको वचन दिएको छ ।
प्रतिक्रिया