दोलखा– दोलखाको बैतेश्वर गाउँपालिका–४ स्थित हनुमन्तेश्वर माध्यमिक विद्यालय नमुनाको विद्यालय व्यवस्थापन समिति (विव्यस) सदस्य चयनका लागि मंगलबार मतदान भएको छ ।

विद्यालय व्यवस्थापन समितिको ७ सदस्यीय समितिमा खुला पुरुष सदस्यका दुई पदमा सहमति जुट्न नसकेपछि निर्वाचनमार्फत सदस्य चयनको लागि  मंगलबार बिहान १० बजेदेखि सुरु भएको मतदान कार्यसम्पन्न भएको छ ।निर्वाचनमा तोकिएको समय दिउसो २ बजेसम्म दुईसय ७७ जना अभिभावकले मतदान गरेका छन । 

करिब पाँचसय ४३ जना अभिभावक रहेको उक्त विद्यालयका दुईसय ७७ जना अभिभावकले मात्र निर्वाचन प्रक्रियामा उपस्थिति जनाएका छन।मतदान सकिएसँगै ३ बजे देखि मतगणना सुरु हुने निर्वाचन अधिकृत जनक अधिकारीले जानकारी दिए । 

विद्यालय व्यवस्थापन समितिको खुला पुरुष सदस्यका लागि रत्नबहादुर दाहाल, नवीनकुमार खतिवडा र पोष्टबहादुर दाहाल बीचमा निर्वाचन भएको थियो । सुवाश बस्नेत/दोलखा