काठमाडौं– नेपाली कांग्रेस वैतेश्वर गाउँपालिकाले सर्वसम्मत ८ वटै वडाको नयाँ नेतृत्व चयन गर्दै वडा अधिवेशन आइतबार सम्पन्न गरेको छ । 

कांग्रेस वैतेश्वरले शनिबार ६ वडाको अधिवेशन सम्पन्न गरेको थियो भने,शनिवार सहमति हुन नसकेका दुई वडाहरू वैतेश्वर-३ र ८ आइतबार सर्वसम्मत नेतृत्व चयन गरेको हो ।

१५औं महाधिवेशन अन्तर्गतको वडा अधिवेशनबाट वडा नम्बर १ को वडा सभापति देवी बहादुर थोकर, वडा नम्बर २ सभापति सुन्दर घिसिङ,वडा नम्बर ३ मा मान ब.तामाङ, वडा नम्बर ४ मा टंक न्यौपाने ,५ मा नवराज घिमिरे, ६ मा ढाल बहादुर कार्की, वडा नम्बर ७ मा हरिस्चन्द्र रिमाल र वडा नम्बर ८ मा मान बहादुर बस्नेत सर्वसम्मत वडा सभापतिमा निर्वाचित भएका छन ।

कांग्रेस वैतेश्वरले वडाको नेतृत्वसँगै सबै वडाबाट क्षेत्रीय प्रतिनिधि पनि सर्वसम्मत छनोट गरेको नेपाली कांग्रेस वैतेश्वरका पार्टी सभापति मनिक तामाङले जानकारी दिए ।

कांग्रेस वैतेश्वरले आउँदो पालिका अधिवेशनको लागि सोमबार पार्टी कार्यालय मैनापोखरीमा बैठक समेत आव्हान गरेको छ। सुवाश बस्नेत/दोलखा