काठमाडौं– विश्वकर्मा पूजाको अवसरमा सुनसरीको सप्तकोशी ब्यारेज क्षेत्रमा हरेक वर्ष लाग्दै आएको परम्परागत मेला बिहीबार भव्य रूपमा सम्पन्न भएको छ । 

विश्वकर्मा पूजाको दिन आयोजना हुने मेलामा बिहानैदेखि भक्तजन तथा सर्वसाधारणको उल्लेखनीय उपस्थिति रहेको थियो । 

मेला भर्न तथा पूजाआजाका लागि सप्तकोशी ब्यारेक क्षेत्रमा आएका मानिसहरूको बाक्लो भीडका कारण क्षेत्र दिनभर चहलपहलपूर्ण बनेको थियो।

मेलामा विभिन्न खानेकुराका परिकार, व्यापारिक स्टल तथा मनोरञ्जनका सामग्रीहरू समेत राखिएका थिए । 

हरेक वर्ष विश्वकर्मा पूजाको दिन लाग्ने यो मेला स्थानीयका लागि धार्मिक आस्था, परम्परा र मनोरञ्जनको संगमका रूपमा रहँदै आएको छ। यस वर्ष पनि मेलामा बालबालिकादेखि वृद्धवृद्धासम्मको उत्साहजनक सहभागिता देखिएको थियो । 

तस्बिरहरू- केशव सिग्देल, सुनसरी/नेपाल फोटो लाइब्रेरी