काठमाडौं– निवर्तमान संस्कृति, पर्यटन तथा नागरिक उड्यन राज्यमन्त्री धन बहादुर बुढाले आफ्नो क्षमाताले भ्याएसम्म समृद्ध नेपाल, सुखी नेपालीको आकांक्षालाई पूरा गर्न लागिपरेको बताएका छन् ।

मन्त्रिपरिषद् पुनर्गठन भएसंगै बाहिरिएका राज्यमन्त्री बुढाले आगामि दिनमा पनि इमान्दार र कर्तव्यनिष्ठ रहेर काम गर्ने बताएका छन् ।

प्रेस विज्ञप्ती जारी गर्दै राज्यमन्त्री बुढाले आफू जुनसुकै स्थान र भूमिकामा रहे पनि पार्टी र सरकारले दिने जिम्मेवारीलाई प्रभावकारी रुपमा सम्पादन गर्ने उल्लेख गरे ।

२०७० सालको दोश्रो संविधानसभा र २०७४ को चुनावमा डोल्पाबाट निर्वाचित भएका बुढा २०७४ साल चैत्र ३ गते संस्कृति, पर्यटन तथा नागरिक उड्यन राज्यमन्त्री नियुक्त भएका थिए ।

२१ महिना राज्यमन्त्री बनेका बुढाले सो समयमा पदीय जिम्मेवारी इमान्दारीताका साथ निभाएकाे बताए ।