रसुवा– विनाशकारी बाढीमा परेर ज्यान गुमाएकाहरूको शव हेलिकप्टरमार्फत रसुवाबाट नुवाकोट पठाउने क्रम जारी छ ।
नेपाली सेना र अन्य निजी कम्पनीको हेलिकप्टरमार्फत बुधबार १ सय १२ वटा शव रसुवाबाट नुवाकोट पठाइएको छ । रसुवाको टिमुरे क्षेत्रमा भेटिएका ९८ र धुन्चेमा भेटिएका १४ वटा शव नुवाकोटस्थित सैन्य तालिम केन्द्र, त्रिशूली लगिएको हो ।
शवलाई हेलिकप्टरभित्र राखेर र हुक गरेर (डोरीमा झुण्ड्याएर) नुवाकोट पठाइएको हो ।
नेपाली सेनासहित सुरक्षाकर्मीले रसुवाको बाढी प्रभावित क्षेत्रमा भेटिएका शव संकलनको काम गरिरहेका छन् ।
प्रतिक्रिया