पोखरा– बाढी प्रभावितसहित विभिन्न जिल्लाबाट पोखरा ल्याइएका ७६ वटा शव जमिनमुनि व्यवस्थापन गरिएको छ ।

धादिङ, तनहुँ, गोरखा, पूर्वी नवलपरासीबाट ल्याइएका १ सय २ मध्ये ७६ वटा शव मंगलबार व्यवस्थापन गरिएको कास्की प्रहरीले जनाएको छ । ती शव पोखरा–१६ स्थित सेती नहर छेउको वनमा अन्तर्राष्ट्रिय मापदण्डअनुसार व्यवस्थापन गरिएको हो ।

१९ वटा शव पहिचान भएर आफन्तलाई जिम्मा लगाइएको र ७ वटा शव पोष्टमार्टम, डीएनए संकलन प्रक्रियाका लागि अस्पतालमै रहेको छ । 

सुरक्षा निकायले पहिचान भएका १९ वटाबाहेक सबै ८३ शव व्यवस्थापन गर्ने तयारी गरेको थियो । तर, पहिचानको क्रममा रहेका, पोष्टमार्टम र डीएनए संकलनको प्रक्रिया नसकिएकाले मंगलबार ७६ वटा शवमात्र व्यवस्थापन गरिएको छ । 

तस्बिर : अर्जुन गाहा/नेपाल फोटो लाइब्रेरी