एजेन्सी– इंग्लिस क्लब म्यान्चेस्टर सिटीले भारतीय फुटबल क्लब किन्ने तयारी गरेको सिटीका सीईओ फेरान सोरीआनोले बताएका छन् ।

सिटी फुटबल ग्रुपले विश्वभर आफ्नो क्लबको शाखा विस्तारलाई अगाडि बढाएको बताइएको छ । फ्रेब्रुअरीमा मात्रै सिटीको ग्रुपले सिचुवान जिन्यु एफसी फुटबल क्लब किनेको थियो ।

जिन्युसहित गरि सिटीले अहिलेसम्म अमरिकामा न्युयोर्क सिटी, अष्ट्रेलियामा मेलबर्न सिटी, जापानमा योकोहामा एफ मारिनोस, एट्लेटिको टोर्के र जिरोना लगायत क्लबमा शेयर लगानी गरेको छ ।

सीईओ सारीआनोले क्लबको विकासक्रममा धैर्यता हुनुपर्ने बताएका छन् । “हामी केही बजार र देशहरूमा चासो देखाईरहेका छौं,” सीईओ सोरीआनोले भने, “जहाँ फुटबलमा धैर्यता र अवसर छ । फुटबलमा अवसर रहेका देश जस्तै चीन र भारत पनि । यस्तै एसियामा अर्को अवसर हुन सक्छ ।”

“हामी कम्तीमा दुई वर्षको लागि भारतलाई हेरिरहेका छौं । हामी यो बर्ष भित्र भारतमा लगानी गरिसक्ने छौं,’ सीईओ सोरीआनोले भने ।