काठमाडौं – रसुवामा बाढी आएको पाँच दिनपछि पनि भारतमा लास भेटिने क्रम जारी छ ।

रसुवाको बाढी नेपालबाट बगाएर लगेको समानहरू बिहारका स्थानीयहरूले त्यहाँस्थित गण्डक नदीबाट झिकिरहेका छन् ।

पुलमा भीड लागेर ग्यास सिलिन्डर र उपयोगी सामान झिकिरहेको भिडियो सामाजिक सञ्जालमा राखेका छन् । उक्त भिडियो अहिले नेपाली फेसबुक प्रयोगकर्ता पनि सेयर गरिरेहका छन् ।

ती युवकको भिडियोमा क्षतविक्षत भएका तीनवटा लास देख्न सकिन्छ । उनले भनेका छन्, ‘यहाँ घण्टाको दरले ५० भन्दा बढी लास बग्दै आएको पाइएको छ ।’ यो उनको दाबी भारत र नेपाल दुवै पक्षको आधिकारिक निकायले भने पुष्टि गरेको छैन ।

रसुवाको भोटेकोशी भारतमा पुग्दा गण्डक नामले चिनिन्छ । यही गण्डक नदी आसपासका युवकले भिडियो बनाएका हुन् ।