काठमाडौं– नेपाल इन्फ्रास्ट्रक्चर बैंक लिमिटेड (निफ्रा) ले सेयरधनीहरूका लागि नगद लाभांश वितरण गर्ने प्रस्ताव गरेको छ । 

भदौ १४ गते बसेको बैंकको सञ्चालक समितिको १९१औँ बैठकले आर्थिक वर्ष २०८२-८३ को सञ्चित मुनाफा तथा वितरणयोग्य नाफाबाट उक्त लाभांश दिने निर्णय गरेको हो ।

बैंकको हालको कुल चुक्ता पूँजी एकाईस अर्ब साठी करोड रुपैयाँ रहेको छ । यस चुक्ता पूँजीको ५.२६३२ प्रतिशतले हुन आउने कुल एक अर्ब तेह्र करोड अठसठ्ठी लाख एकाउन्न हजार दुई सय रुपैयाँ नगद लाभांश (लाभांश कर प्रयोजन समेत) वितरण गर्ने प्रस्ताव गरिएको बैंकका कम्पनी सचिव जीवनाथ सापकोटाले जानकारी दिएका छन् ।

नेपाल राष्ट्र बैंकबाट स्वीकृत भएपश्चात बैंकको वार्षिक साधारण सभाले पारित गरेपछि मात्र यो लाभांश सेयरधनीहरूलाई वितरण गरिनेछ ।