पोखरा– रसुवा बाढीमा परेर ज्यान गुमाएका १ सय २ जनाको शव पोखरामा राखिएको छ ।
तनहुँ, गोरखा, धादिङमा भेटिएका शव राख्ने ठाउँको अभाव भएपछि पोखरा पुर्याइएको थियो । ती शव पोखरा स्वास्थ्य विज्ञान प्रतिष्ठान (पश्चिमाञ्चल क्षेत्रीय अस्पताल/गण्डकी अस्पताल) र मणिपाल शिक्षण अस्पतालमा राखिएका छन् ।
बेपत्ताको पहिचान गर्न भौँतारिरहेका आफन्त शव पहिचान गर्न अन्य जिल्लाबाट कास्की सदरमुकाम पोखरासम्म पुगिरहेका छन् ।
पोखरामा रहेका आफन्त पनि बाढीपीडित परिवारको आग्रहपछि अस्पतालसम्म आएका छन् । शव पहिचान गर्न सहज होस् भनेर अस्पतालको एउटा हलमा फोटो डिस्प्ले गरिएको छ ।
डिस्प्ले कक्ष र शव गृहअगाडिको दृश्य निकै भावविह्वल देखिन्छ । आफन्त र परिवारका सदस्य फोनमा कुराकानी गर्दा भक्कानिएको सुनिन्छ ।
तस्बिर : अर्जुन गाहा/नेपाल फोटो लाइब्रेरी
प्रतिक्रिया