रौतहट– पूर्व प्रधानमन्त्री तथा समाजवादी पार्टीका संघीय परिषद्का अध्यक्ष डा बाबुराम भट्टराईले वर्तमान सरकार कम्युनिस्ट नभइ कमाउनिस्टको भएको टिप्पणी गरेका छन् ।

गढीमाई नगरपालिकाको वडा नं.२ का लागि मंसिर १४ गते हुनलागेको उपनिर्वाचनको चुनावी प्रचार प्रसारका क्रममा पूर्व प्रधानमन्त्री तथा समाजवादी पार्टीका संघीय परिषद्का अध्यक्ष डा भट्टराईले सरकारलाई विकास निर्माणको जनमत प्राप्त भएको भएपनि कमाउ धन्दामा लागेको आरोप लगाए ।

उनले एमाले तथा माओवादी मिलेर बनेको नेपाल कम्युनिस्ट पार्टीले नेपालमा रहेको मधेसी जनजाति मुस्लिम तथा आदिवासीहरुलाई पछाडि पारी मात्र पहाडी मुलुकाको विकास र समृद्धि तर्फ लान खोजेको उनको आरोप थियो ।

समाजवादी पार्टीले सबैको हक अधिकार सुनिस्चित गर्ने र समाजमा रहेको बिभेदलाइ समाप्त पारी एक समाजमा एक रुपता बिकास ल्याउने छ उनको भनाइ थियो ।

जितेन्द्र कुमार दासको सहयोगमा