काठमाडौं– कृषि, वन तथा पर्यावरण मन्त्रालयले विपद् प्रभावित क्षेत्रमा घाइते पशुपन्छीको उद्धार, आकस्मिक उपचार, मृत पशुपन्छीको सुरक्षित व्यवस्थापन तथा जैविक सुरक्षाका लागि औषधि उपचारसहितको प्राविधिक टोली परिचालन गरेको छ ।
भोटेकोशी नदीमा आएको विनाशकारी बाढीका कारण रसुवा, नुवाकोट र धादिङलगायत जिल्लाका नदी तटीय क्षेत्रमा मन्त्री गीता चौधरीले सो प्राविधिक टोली परिचालन गरेकी हुन् ।
त्यसैगरी, सम्बन्धित सरकारी तथा गैरसरकारी निकाय, पेशागत संघसंस्था, उद्यमी तथा व्यवसायी, पशु कल्याणसम्बन्धी संस्था, निजी पशु सेवाकर्मी तथा नागरिक समाजलाई समेत विपद्को समयमा सहकार्य गर्न पशु सेवा विभागले आह्वान गरेको छ ।
प्रतिक्रिया