काठमाडौँ – सभामखु डिपी अर्यालकी सासू आमाको निधनपछि प्रतिनिधिसभाको बैठक स्थगित भएको छ । मंगलबार दिउँसो १ बजेका लागि बोलाइएको बैठक विशेष कारण जनाउँदै संघीय संसद सचिवालयले स्थगित भएको जानकारी गराएको हो । सभामुख डोलप्रसाद अर्यालको निजी सचिवालयका अनुसार उहाँकी सासू आमाको निधनका कारण बैठक स्थगित भएको हो ।

सङ्घीय संसद सचिवालयका अनुसार २०८३ भदौ ९ गते मङ्गलवार दिनको १ बजेका लागि तय भएको प्रतिनिधिसभाको बैठक विशेष कारण स्थगित भएको हो ।

प्रतिनिधिसभा नियमावली, २०८३ को नियम ६ को उपनियम (३) बमोजिम सभाको अर्को बैठक २०८३ भदौ १० गते बुधबार दिनको १ बजे बस्ने गरी निर्धारण गरिएको सङ्घीय संसद्का महासचिव पद्मप्रसाद पाण्डेयद्वारा जारी सूचनापत्रमा उल्लेख छ।