काठमाडौं – नाटक ‘वीर गणेशमान’ भदौ १४ बाट काठमाडौंको कालिकास्थानस्थित सर्वनाम थिएटरमा मञ्चन हुने भएको छ ।

नेपालको प्रजातान्त्रिक आन्दोलन योद्धा नेपाली कांग्रेसका नेता गणेशनमान सिंहको जीवन, सङ्घर्ष, त्याग, साहस र निष्ठा उजागर गर्न यो नाटक देखाइन लागेको हो । उनलाई ०४६ सालको जनआन्दोलनको सर्वोच्च नेताका रुपमा पनि चिनिन्छ ।

यस नाटकलाई रङ्गकर्मी अशेष मल्लले परिकल्पना, नाट्य रपमान्तरण र निर्देशन गर्ने गर्नेछन् ।

मल्लका अनुसार नेपाली राजनीतिमा गणेशमान सिंहले गरेको योगदानहरू नाटकमा प्रमुख रुपमा देखाइनेछ । २०४६ सालको जनआन्दोलनको सफलतापछि प्रधानमन्त्री पदसमेत अस्वीकार गरेको ऐतिहासिक घटनालाई नाटकको महत्त्वपूर्ण पक्षका रूपमा प्रस्तुत गरिएको उनले जानकारी दिए ।

गणेशमान फाउन्डेसनको आयोजनामा यो नाटक देखाइने भएको हो ।