काठमाडौँ – ललितपुरको पुल्चोकस्थित राष्ट्रिय मानव अधिकार आयोगको कार्यालय बाहिर धर्नामा बसेका लघुवित्त पीडित ऋणीहरू सरकारसँग सहमति भएपछि शुक्रबार आ-आफ्नो घर फर्किएका छन्।

नेपाल सरकार र ऋणीका प्रतिनिधिबीच भदौ ६ गते भएको वार्तामा १४ बुँदे सहमति भएपछि उनीहरूले धर्ना कार्यक्रम स्थगित गरेका हुन्। सहमतिलगत्तै सरकारले साझा यातायातको बस व्यवस्था गरी ऋणीलाई गन्तव्यतर्फ पठाएको प्रधानमन्‍त्री वालेन्द्र शाहकी प्रेस तथा अनुसन्धान विज्ञ दीपा दाहालले जानकारी दिइन् ।

विभिन्न सरकारी निकायका अधिकारीको उपस्थितिमा ३२३ जना ऋणीलाई ८ वटा बसमार्फत बिदाइ गरिएको छ। उनीहरूलाई झापा, मोरङ, सर्लाही, महोत्तरी, सिन्धुली, बारा, पर्सा र नवलपरासी लगायतका जिल्लातर्फ पठाइएको हो।