काठमाडौँ – नेपाल पत्रकार महासंघले वरिष्ठ पत्रकार किशोर श्रेष्ठको रिहाइको माग गर्दै आज काठमाडौँ प्रहरी परिसर भद्रकाली अगाडि धर्ना दिने भएको छ।

महासंघका महासचिव रामप्रसाद दाहालद्वारा जारी विज्ञप्तिमा श्रेष्ठको पक्राउप्रति आपत्ति जनाउँदै बिहान ९ बजे आयोजना गरिने धर्ना कार्यक्रममा सहभागी हुन प्रेस स्वतन्त्रता पक्षधर सम्पूर्ण पत्रकार तथा नागरिक समाजका प्रतिनिधिलाई आह्वान गरिएको छ।

श्रेष्ठको गिरफ्तारीले प्रेस तथा अभिव्यक्ति स्वतन्त्रतामाथि आघात पुगेको भन्दै महासंघले तत्काल उनलाई बिनासर्त रिहा गर्न माग गरेको छ।

बुधबार साँझ ललितपुरस्थित निवासबाट पक्राउ परेका पत्रकार श्रेष्ठको घरमा प्रहरीले मध्यरातमा छापा मारेको छ । अहिले जनआस्था साप्तिाहिकको कार्यालयमा प्रहरी पुगेको छ ।