मुम्बई – बलिउड अभिनेत्री एमी ज्याक्सन बिहेअघि आमा बनेपछि बलिउड तातेको थियो । अब यतिबेला अर्की नायिकाको चर्चा हुन थालेको छ ।

हालै बलिउड नायिका कल्की कोचलिनले आफ्नो व्यक्तिगत जीवन र गर्भवस्थाबारे बताइन् ।

कल्कीले आफू गर्भवती भएको दुई महिना आफू गर्भवती भएको पनि थाहा नभएको समेत खुलासा गरिन् । तर, पछि भने बच्चाको दिल धड्किन थालेपछि आफू रोमाञ्चक उनले बताइन् ।

कल्कीले आफ्नो ब्यायफ्रेण्ड गाय हर्बबर्गका बारेमा पनि कुराकानी गरिन् । उनले भनिन्, ‘हामीलाई बिहे गर्न कुनै लाज छैन, तर म यसकारण बिहे गर्न चाहन्न कि, म गर्भवती छु ।’

उनले भोलि बच्चाका लागि जरुरी पर्‍यो भने आफूहरुले यसबारेमा बिहे गर्ने धारणा राख्छिन् ।

कल्कीले गर्भवती भएको थाहा पाएपछिको पहिलो क्षण पनि शेयर गरिन् । उनले भनिन्, ‘म छक्क परेकी थिएँ, यो कसरी भयो, हामीले यस्तो योजना बनाएका थिएनौँ, पछि हामीले फेरि टेस्ट गरायौँ, त्यतिबेला बच्चा छ भन्ने पक्का भएपछि म खुशी भएँ ।’

कल्की लामो समयदेखि इजरायली शास्त्रीय पियानोवादक गाय हर्शबर्गसँग डेट गरिरहेकी छिन् । उनले गायसँगको सम्बन्धका बारेमा सामाजिक सञ्जाल इन्स्टाग्राममार्फत जानकारी गराएकी थिइन् ।