मुम्बई – इन्टरनेटमा ‘भाइरल’ भएर चर्चामा आएकी रानु मण्डल आजभोलि कुनै न कुनै कारणले चर्चामा रहने गर्छिन् । पछिल्लो हप्ता आफ्ना एक प्रशंसकसँग दुर्व्यवहार गरेपछि उनले ट्रोलको सामना गर्नुपरेको थियो ।

यतिबेला उनले लगाएको मेकअपका कारण रानुको चर्चा भएको छ । उनले गरेको मेकअपलाई लिएर इन्टरनेट प्रयोगकर्ताले मजाक बनाएका छन् ।

एक तस्वीरमा रानुले लेहंगा लगाएकी छिन् । साथै उनी पूर्ण रुपमा मेकअपका साथ देखिएकी छिन् । रानुलाई यो अवतारमा देख्दा भारतीयहरुले ‘द नन’, ‘जोकर’, ‘गेम अफ थ्रोन्स’ जस्ता नामले बोलाएका छन् ।

एक प्रयोगकर्ताले कमेन्ट गरेका छन् – लेडी जोकर ।

रेलवे स्टेशनमा बसेर गीत गाउने रानु मण्डलको एक गीत इन्टरनेटमा भाइरल भएपछि उनलाई गायक हिमेशले गीत रेकर्डिङमा मौका दिएका थिए । त्यसपछि उनी एकाएक सेलिब्रेटी बनेकी थिइन् ।