काठमाडौं- नेकपा एमालेका सचिव शेरधन राईले कोशी प्रदेशमा पार्टी अध्यक्ष केपी ओलीले दिएको निर्देशन कार्यान्वयन गर्ने बताएका छन् । प्रदेशका पूर्वमुख्यमन्त्री समेत रहेका राईले हिक्मतकुमार कार्कीलाई मुख्यमन्त्री पदबाट हटाउन केपी ओलीले दिएको निर्देशन कार्यान्वयन हुने बताएका हुन् ।

सञ्चारकर्मीसँग कुरा गर्दै राईले केन्द्रबाट दिएको निर्देशन कोशीमा लागू हुने बताए । उनले भने, ‘केन्द्रीय नेतृत्वले दिएको निर्देशन कार्यान्वयन हुन्छ, त्यस अनुसार हामीले काम गरिरहेका छौँ । पार्टी भनेको नीति, विधि र सिद्धान्तमा चल्छ ।’

अध्यक्ष केपी शर्मा ओलीको विरुद्धमा लागेको भन्दै हिक्मतकुमार कार्कीलाई हटाउने प्रयास गरिएको छ । हिक्मतको ठाउँमा ओलीले ताप्लेजुङका पुराना नेता तिलकुमार मेन्याङ्बोलाई अगाडि सार्ने तयारी गरेका छन् ।