काठमाडौं – ठूलो चर्चाबिना नै बलिउड नायिका शिल्पा सेट्टी त्रिभुवन अन्तर्राष्ट्रिय विमानस्थल काठमाडौंमा देखा परेकी छन् ।

उनी शुक्रबार दिउँसो भारतबाट काठमाडौं ओर्लिएकी हुन् । व्यक्तिगत भ्रमणमा नआए पनि यसबारे चर्चा नै भएन । जबिक उनी जतिको प्रोफाइल भएका भारतीय सेलिब्रिटी नेपाल आउँदा राम्रै चर्चाको विषय बन्थ्यो ।

तथापि, उनी आइतबारसम्म जारी रहेने कार्यक्रमका लागि नेपाल आएको खुलेको छ ।

‘ईएमएफ एसीई ग्लोबल कन्भेन्सन एन्ड अवार्ड २०२६’ मा सहभागी हुन शिल्पा नेपाल आएकी हुन् । यो कार्यक्रम शुक्रबारबाट सोल्टी होटलमा जारी छ ।

बलिउड अभिनेता शक्ति कपुर र विक्रान्त मेसी पनि कार्यक्रममा सहभागी हुने आयोजकले बताएको छ । बलिउडमा ख्याति कमाएकी मनिषा कोइराला यो कार्यक्रममा सहभागी हुनेछिन् ।