काठमाडौं- सुनसरीको कप्तानगञ्जबाट सुरु भएको साम्प्रदायिक तनावको पाँचौँ दिन राष्ट्रका नाममा सम्बोधन गर्ने तयारी गरेका प्रधानमन्त्री बालेन्द्र शाहले मन्त्रीहरूसँगको छलफल थालेका छन् ।

सामान्य प्रशासन मन्त्रालयमा मन्त्रीहरूसँग छलफल गर्न बसेका कारण राष्ट्रका नाममा सम्बोधन गर्न तय भएको पूर्वनिर्धारित समयभन्दा ढिलाइ भएको सचिवालयले जनाएको छ । छलफल सकिएलगत्तै प्रधानमन्त्रीले देशवासीका नाममा सम्बोधन गर्ने कार्यक्रम रहेको छ ।

देवानगञ्ज गाउँपालिकाको कप्तानगञ्जबाट दुई समुदायबीच तनाव बढेपछि स्थिति नियन्त्रणमा लिन प्रधानमन्त्री बालेनले गृहमन्त्री सुधन गुरुङलाई घटनास्थलतर्फ पठाएका छन् । यसअघि बुधबार सामाजिक सञ्जालमार्फत पोष्ट गर्दै उनले सुनसरी घटनाका दोषीहरूमाथि कडा कारबाही गरिने प्रतिबद्धता व्यक्त गरेका थिए ।