काठमाडौं- सिरहाको गोलबजारमा प्रहरीको गोलीबाट एकजना युवकको मृत्यु भएपछि तनाव चुलिएको छ।
प्रदर्शनकारीले गोलबजारस्थित एबी मलमा आगजनी गरेका छन्। प्रदर्शनकारीहरू उग्र भएपछि गोलबजारस्थित सिरहा सुपरमार्केटद्वारा सञ्चालित एबी मलमा आगो लगाइएको छ। भदौ २४ मा भाटभटेनी जलाइएकै शैलीमा उक्त मलमा आगो लगाइएको हो ।
प्रदर्शनका क्रममा जिल्लाका विभिन्न स्थानमा तोडफोड र आगजनीका घटना तीव्र भएका छन्। नेपाली सेनासमेत सडकमा निस्किए पनि तनाव थामिनुभन्दा झन् झन् चर्किएको छ।
अप्रिय घटना रोक्न जिल्ला प्रशासन कार्यालयले गोलबजारसहित सिरहाका विभिन्न क्षेत्रमा कर्फ्यु आदेश जारी गरे पनि त्यसले काम गर्न सकेको छैन ।
प्रतिक्रिया