काठमाडौं– राष्ट्रिय स्वतन्त्र पार्टीका सभापति रवि लामिछानेले देशको पछिल्लो समसामयिक घटनाको अवस्थाका विषयमा कोशी र मधेस प्रदेशका सांसदहरूसँग छलफल गरेका छन् । 

रविका सचिवालय सदस्य अविनाश आचार्यका अनुसार अहिले रविले सांसदहरूसँग छलफल गरिरहेका छन् । 

आइतबारबाट सुनसरीमा दुई पक्षबीच झडप भएपछि पाँच दिनसम्म स्थिति सामान्य बन्न सकेको छैन। सुनसरीसँगै कोशी र मधेसका विभिन्न जिल्लाहरूमा दुई पक्षबीच झडप भइरहेको छ। अहिले विभिन्न जिल्लाहरूमा प्रहरी र प्रदर्शनकारीबीच झडप हुँदा तीन जनाको मृत्यु भइसकेको छ।

अहिले भर्खरै मात्र सिराहामा पनि प्रहरीको गोली लागेर एक जनाको मृत्यु भयो।

प्रधानमन्त्री बालेन्द्र शाह छलफल र संवादमा ननिस्किँदा रविले विभिन्न व्यक्तिहरूसँग संवाद र छलफल गरिरहेका छन्।