काठमाडौं– नेकपा (एमाले)की सचिव पद्माकुमारी अर्यालले सरकारलाई लोकसेवा खोल्न भनेकी छिन् । बिहीबार प्रतिनिधिसभाको बैठकमा बोल्दै सचिव अर्यालले सरकारले लोकसेवा बन्द गरेको भन्दै खोल्न भनेकी हुन् ।

उनले युवा विद्यार्थीले लोकसेवाको परीक्षा दिनको लागि तयारी गरिरहँदा सरकारले अचानक बन्द गरेको भन्दै शीघ्र खोल्न माग गरेकी हुन् ।

‘के यो देशका दक्ष नागरिक, यो देशका बौद्धिक नागरिक यो मुलुकमा नबसुन् भन्ने सरकारको आशय हो ?’, उनले प्रश्न गरिन्, ‘सरकार युवामैत्री सरकार भन्छ, युवाको रोजगारको कुरा गर्छ, प्रतिभाको सम्मानको कुरा गर्छ, तर, आज प्रतिभा भएका युवालाई खुल्ला प्रतिस्पर्धाको ढोका बन्द गरेर भविष्यलाई अन्योल बनाइदिन्छ ।’