काठमाडौँ। सुनसरीको देवानगन्ज बजारमा भएको झडप नियन्त्रणमा आएको छ ।
मंगलबार साझ करिब ८ बजे दुई समूहबीचको झडप करिब दुई घण्टापछि नियन्त्रणमा आएको हो ।
जिल्ला प्रहरी कार्यालय सुनसरीका डिएसपी चन्द्र खड्काका अनुसार बजार क्षेत्रमा भएको तनाव प्रहरीले नियन्त्रणमा लिएको हो ।
मंगलबार साँझ दुई पक्ष घरेलु हतियारसहित प्रदर्शनमा उत्रिएका थिए । बजार क्षेत्रमा भएको क्षतिको विवरण संकलन भइरेको उनले बताए ।
सोमबार प्रहरीको गोली लागेर एक युवाको ज्यान गएपछि सुनसरी तनावग्रस्त छ । सुनसरीको विभिन्न क्षेत्रमा कर्फ्यु जारी गरिएको छ ।
प्रतिक्रिया