काठमाडौं- पछिल्लो पाँच आर्थिक वर्षमा सर्वाधिक मुद्दा फैसला गर्ने उच्च अदालतका न्यायाधीशहरूको सूची सार्वजनिक भएको छ।

सर्वोच्च अदालतले तयार पारेको प्रतिवेदनमा आर्थिक वर्ष २०७८/७९ देखि २०८२/८३ सम्मको तथ्यांक समेटिएको छ।

प्रतिवेदनअनुसार उच्च अदालत जनकपुर, राजविराज इजलासका न्यायाधीश नरिश्वर भण्डारी पाँच वर्षमा सबैभन्दा धेरै ६ हजार ७७० मुद्दा फैसला गर्दै पहिलो स्थानमा छन्।

भण्डारीले आर्थिक वर्ष २०७८/७९ मा ९५७, २०७९/८० मा २ हजार ४०, २०८०/८१ मा १ हजार ५७७, २०८१/८२ मा १ हजार १७६ र २०८२/८३ मा १ हजार २० वटा मुद्दा फर्स्यौट गरेका छन् ।

यस्तै, उच्च अदालत जनकपुर, राजविराज इजलासकै न्यायाधीश सुभाष पौडेल ४ हजार ५०३ मुद्दा फैसला गर्दै दोस्रो स्थानमा छन् ।

उता उच्च अदालत विराटनगर, इलाम इजलासका न्यायाधीश किरणकुमार पोखरेल ४ हजार ४२० मुद्दा फैसला गर्दै तेस्रो स्थानमा रहेका छन्।

सर्वाधिक मुद्दा फैसला गर्ने शीर्ष १० न्यायाधीशको सूची :

नरिश्वर भण्डारी (उच्च अदालत जनकपुर, राजविराज इजलास) – ६,७७० मुद्दा
सुभाष पौडेल (उच्च अदालत जनकपुर, राजविराज इजलास) – ४,५०३ मुद्दा
किरणकुमार पोखरेल (उच्च अदालत विराटनगर, इलाम इजलास) – ४,४२० मुद्दा
सोमकान्त मैनाली (उच्च अदालत पाटन) – ४,३९६ मुद्दा
विमल सुवेदी (उच्च अदालत विराटनगर) – ४,१२४ मुद्दा
गोकर्ण डाँगी (उच्च अदालत जनकपुर, अस्थायी इजलास वीरगञ्ज) – ४,०१९ मुद्दा
दिपेन्द्रबहादुर बम (उच्च अदालत विराटनगर) – ३,९४२ मुद्दा
सुदर्शनराज पाण्डे (उच्च अदालत पोखरा) – ३,८६६ मुद्दा
ध्रुवराज नन्द (उच्च अदालत विराटनगर) – ३,८५४ मुद्दा
मिलनकुमार राई (उच्च अदालत बुटवल) – ३,७०१ मुद्दा