काठमाडौं– त्रिभुवन विश्वविद्यालय शिक्षण अस्पतालले त्रिभुवन विश्वविद्यालय दिवसका अवसरमा साउन ७ गते बिहीबार अस्पतालका नियमित दिवा सेवाहरू आधा दिनका लागि बन्द रहने जनाएको छ ।
अस्पताल प्रशासनले सूचना जारी गर्दै त्रिवि दिवसको उपलक्ष्यमा अस्पताल बिहानको समयमा मात्र सञ्चालन हुने जनाएको हो। सूचनाअनुसार इमर्जेन्सी सेवाबाहेक अस्पतालबाट प्रवाह हुने सम्पूर्ण दिवा सेवाहरू बन्द रहनेछन्।
अस्पतालले सेवाग्राहीलाई यसबारे जानकारी गराउँदै आवश्यक स्वास्थ्य सेवा लिन समय मिलाउन आग्रह गरेको छ । साथै, अस्पतालको इएचएस सेवा भने दिउँसो १ बजेदेखि सञ्चालन हुने अस्पताल प्रशासन प्रमुख भोजराज भट्टद्वारा सूचनामा जनाइएको छ।
प्रतिक्रिया