काठमाडौं- प्रहरी नायब निरीक्षक दिनेश राउत घुससहित पक्राउ परेका छन् । प्रहरी वृत्त माली गाउँमा कार्यरत राउत सेवाग्राहीसँग २० हजार रुपैयाँ घुस लिँदालिँदै पक्राउ परेका हुन् ।
बैकिङ कसुरसम्बन्धी मुद्दामा मिलापत्र प्रयोजनका लागि उनले घुस लिएको अख्तियारका प्रवक्ता सुरेश न्यौपानेले बताए ।
घुसबापतको रकम र मोबाइल एक थानसहित उनलाई काठमाडौं महानगरपालिका -५ गहनापोखरीबाट अख्तियारको टोलीले नियन्त्रणमा लिएको हो ।
बैंकिङ कसुरसम्बन्धी मुद्दामा जाहेरवालाको रकम फिर्ताका लागि सहजीकरण गरिदिए बापत सेवाग्राहीसँग उनले घुस लिएको अख्तियारले बताएको छ ।
प्रतिक्रिया