काठमाडौँ– नेकपा एमालेको भ्रातृ संगठन राष्ट्रिय युवा संघका ललितपुर जिल्ला अध्यक्ष पक्राउ परेका छन् । जेष्ठ नागरिकमाथि अभद्र ब्यवहार गरेको आरोपमा जिल्ला प्रहरी परिसर ललितपुरले मंगलबार ललितपुर गोदावारी नगरपालिका १० टाखेलका ३० वर्षीय रामशरण शर्मा बजगाईँलाई पक्राउ गरेको हो ।

पार्टी अध्यक्ष केपी शर्मा ओलीलाई रिहा गर्न माग गर्दै जिल्ला प्रशासन कार्यालयमा ज्ञापनपत्र बुझाएर फर्किने क्रममा लगनखेलस्थित पाटन मानसिक अस्पताल अगाडि सडकपेटीमा रहेका जेष्ठ नागरिकलाई उनले दुव्र्यवहार गरेका थिए ।

ती वृद्धाले त्यसअघि एमाले नेता कार्यकर्तामाथि नकारात्मक टिप्पणी गरेका थिए।

सार्वजनिक भएको भिडिओका आधारमा प्रहरीले पक्राउ गरे पनि उजुरी भने नपरेको बताइएको छ ।

उजुरी परेपछि म्याद थप गर्ने प्रहरीको तयारी छ । उनलाई जिल्ला प्रहरी परिसर ललितपुरको हिरासतमा राखिएको छ ।