एजेन्सी – डोनाल्ड ट्रम्पले इरानसँगको सैन्य कारबाहीका क्रममा बेलायतले अपेक्षित साथ नदिएको भन्दै कडा असन्तुष्टि जनाएका छन्। उनले केयर स्टाररको निर्णयलाई ठूलो गल्ती भन्दै आलोचना गरेका छन्।

इरानसँगको तनाव सुरु भएपछि बेलायतले अमेरिकी सेनालाई डिएगो गार्सियास्थित संयुक्त सैन्य अड्डाबाट आक्रमण सञ्चालन गर्न अनुमति दिन अस्वीकार गरेको थियो। ट्रम्पले यस निर्णयप्रति असन्तुष्टि जनाउँदै हामीलाई आवश्यक पर्दा त्यो अड्डा प्रयोग गर्न दिइएन भनेका छन्।

ट्रम्पले बेलायती युद्धपोतलाई समेत खेलौना जस्तो भन्दै टिप्पणी गरेका थिए। साथै उनले स्टार्मरलाई ‘असल व्यक्ति भए पनि सहयोग नगरेको’ आरोप लगाएका छन्। यसअघि पनि उनले स्टार्मर विन्स्टन चर्चिल जस्तो नेतृत्व नभएको’ टिप्पणी गरेका थिए।

अमेरिकाले इरानविरुद्ध प्रारम्भिक आक्रमणका लागि बेलायतका हवाई अड्डा प्रयोग गर्न अनुमति मागेको थियो। तर, बेलायत सरकारले त्यसबेला अस्वीकार गरेको बताइएको छ। यद्यपि पछि भने बेलायतले रक्षात्मक प्रकृतिका अमेरिकी कारबाहीका लागि आफ्ना अड्डा प्रयोग गर्न अनुमति दिएको जनाएको छ।

यस घटनाले अमेरिका–बेलायत सम्बन्धमा कूटनीतिक तनाव बढेको आँकलन गरिएको छ ।