काठमाडौं – स्वास्थ्य बीमा बोर्डले देशभरका सेवा प्रदायक स्वास्थ्य संस्थाहरूलाई २ अर्ब ६ करोड ४३ लाख ३४ हजार ७ सय ७२ रुपैयाँ ४४ पैसा दावी भुक्तानी गरेको छ । बोर्डले आर्थिक वर्ष २०८३र८४ को स्वीकृत बजेटबाट निकासा भएको रकम प्रयोग गरी विभिन्न शीर्षकहरू कट्टा तथा समायोजन गरेर उक्त भुक्तानी गरेको हो ।

स्वास्थ्य बीमा बोर्डका उपसचिव पुष्पप्रसाद गुरागाईंका अनुसार भदौ ११ गतेको निर्णयानुसार सेवा प्रदायक स्वास्थ्य संस्थाहरूको बैंक खातामा सिधै रकम जम्मा गरिएको छ । बोर्डले २०८२ चैत मसान्तसम्मको स्वास्थ्य बीमा दावी रकममध्ये सूचना प्रविधि शाखाबाट रुजु भई स्वीकृत भएका दावीहरू फस्यौट गरेको हो ।

विभिन्न शीर्षक थप तथा कट्टा गरेपश्चात कुल स्वीकृत रकम २ अर्ब १० करोड ९० लाख ६३ हजार ३ सय १२ रुपैयाँ २६ पैसा कायम भएको थियो ।

यस कुल स्वीकृत रकमबाट स्वास्थ्य बीमा बोर्डको २०८१ चैत १९ गते को बोर्ड बैठकको निर्णयानुसार दावी भुक्तानी बापत स्वीकृत रकमको २ प्रतिशत रकम स्वास्थ्य बीमा कोषमा जम्मा गर्नका लागि कट्टा गरिएको छ ।

साथै, आर्थिक वर्ष २०८२र८३ र विगत आर्थिक वर्षहरूको फस्यौट गर्न बाँकी रहेको पेश्की रकम २५ लाख ४४ हजार ९ सय ३९ रुपैयाँ समेत हिसाब मिलान गरिएको बोर्डले जनाएको छ। यसरी सम्पूर्ण समायोजन, २ प्रतिशत बीमा कोष कट्टा र पेश्की हिसाब मिलानपश्चात खुद भुक्तानी हुन आएको २ अर्ब ६ करोड ४३ लाख ३४ हजार ७ सय ७२ रुपैयाँ ४४ पैसा८८ सेवा प्रदायक स्वास्थ्य संस्थाहरूको बैंक खातामा जम्मा भएको हो ।

यस भुक्तानी निर्णय र निकासाबारे बोर्डले कार्यकारी निर्देशक र सम्बन्धित सबै सेवा प्रदायक स्वास्थ्य संस्थाहरूलाई जानकारी गराउँदै सूचना प्रविधि शाखालाई उक्त विवरण वेबसाइटमा प्रकाशित गर्न समेत निर्देशन दिएको छ ।