नुवाकोट- भोटेकोशी हुँदै त्रिशूली नदीमा आएको विनाशकारी बाढीको छ दिनपछि पनि नुवाकोटको त्रिशूली बजारमा बाढीको असर प्रस्ट देखिन्छ ।

सोमबार त्रिशूली बजारमा स्थानीयहरू बाढीले पुर्‍याएको क्षति र त्यसले निम्त्याएको समस्याबारे आपसमा कुराकानी गरिरहेका देखिन्थे। केही स्थानीय त्रिशूली नदी किनारमा पुगेर बाढीले पुर्‍याएको क्षतिको अवस्था नियालिरहेका थिए।

बाढीका कारण घर तथा व्यवसायमा क्षति पुगेपछि कतिपय स्थानीय आफ्ना घरमा बाँकी रहेका सामान सुरक्षित स्थानमा सार्न व्यस्त देखिन्थे। बाढीले सामान्य जनजीवन प्रभावित बनाएपछि स्थानीयहरू अझै पनि क्षतिको व्यवस्थापन र पुनःस्थापनाको प्रयासमा जुटिरहेका छन्।

त्रिशूली बजारमा बाढीले छाडेको क्षतिको असर ६ दिन बितिसक्दा पनि हटिसकेको छैन। नदी किनार तथा आसपासका क्षेत्रमा बाढीको प्रभाव र त्यसले स्थानीयको जीवनमा पारेको असर अझै देख्न सकिन्छ।

तस्बिर : सुर्याम्स उप्रेती/नेपाल फोटो लाइब्रेरी