विराटनगर– सुनसरीमा साउन १० मा भएको दोहोरो झडपमा परेर मृत्यु भएका दुई जनाको शव अस्पतालबाट निकालिएको छ ।
देवानगञ्ज गाउँपालिका–३ कप्तानगञ्जका ओमप्रकाश मेहता र जयप्रकाश मेहताको शव शुक्रबार साँझ परिवारले बुझेको छ । उनीहरूको शव विराटनगरस्थित कोशी अस्पतालमा थियो ।
गोली लागेर ओमप्रकाशको घटनास्थलमै र गम्भीर घाइते जयप्रकाशको उपचारका क्रममा बिहीबार मृत्यु भएको थियो । उनीहरूको शव कप्तानगञ्जस्थित घर लैजाने र त्यसपछि अन्त्येष्टि गर्ने तयारी छ ।
बिहीबार राति गृहमन्त्री सुधन गुरुङको उपस्थितिमा सरकार र मृतक परिवारबीच सहमति भएपछि परिवारले शव बुझेको हो ।
तस्बिर : नेपाल फोटो लाइब्रेरी
प्रतिक्रिया