सिराहा– प्रधानमन्त्री वालेन शाह र गृहमन्त्री सुधन गुरुङविरुद्ध सिराहामा गोली लागेर मृत्यु भएका गणेश यादवका आफन्त र छिमेकीले विरोध प्रदर्शन गरेका छन् ।

सुनसरी घटनालाई लिएर सिरहाको गोलबजारमा भएको प्रदर्शनका क्रममा बिहीबार गोली लागेर मृत्यु भएका औरही गाउँपालिका–२ तुलसियाहीका १५ वर्षीय गणेश यादवको परिवारलाई गृहमन्त्रीले भेट्दै छन् । यो खबर थाहा पाएपछि स्थानीयले त्यहाँको बनिनिया चोकमा प्रदर्शन गरेका हुन् ।

उनीहरूले गणेशका परिवारले न्याय नपाउन्जेल गृहमन्त्री गुरुङलाई प्रवेश निषेध गर्ने बताएका छन् ।

हातमा प्लेकार्ड बोकेर प्रधानमन्त्री बालेन शाह र गृहमन्त्री गुरुङविरुद्ध उनीहरूले नाराबाजी गरेका छन् । गोली प्रहार हुँदा १५ वर्षीय किशोरको मृत्यु भएको थियो । उनलाई घाँटीमा गोली लागेको थियो ।

तस्बिर : सुरेश राय/नेपाल फोटो लाइब्रेरी