काठमाडौँ– त्रिभुवन विश्वविद्यालयले मधेशमा केन्द्र रहेका व्यवस्थापन संकायअन्तर्गत सञ्चालन भइरहेको मास्टर अफ बिजनेस स्टडिज (एमबीएस) परीक्षा स्थगित गरेको छ ।

त्रिविले एक सूचना जारी गर्दै मधेश प्रदेशका विभिन्न जिल्लामा उत्पन्न असहज परिस्थितिका कारण मधेशका ११ केन्द्रमा पूर्वनिर्धारित परीक्षा स्थगित गरेको जनाएको हो ।

व्यवस्थापन संकाय, डीनको कार्यालयले पूर्वनिर्धारित तालिकाअनुसार आजका लागि तोकिएको एमबीएस दोस्रो तहको MKT 511: Marketing Management विषयको परीक्षा विशेष परिस्थितिका कारण स्थगित गरिएको जनाएको छ ।

स्थगित गरिएको परीक्षाको नयाँ मिति पछि प्रकाशन गरिने विश्वविद्यालयले जनाएको छ । अन्य विषयका परीक्षा भने पूर्वनिर्धारित तालिकाअनुसार नै सञ्चालन हुने सूचनामा उल्लेख छ।