काठमाडौं- नेपाली कांग्रेस इतर समुहको लुम्बिनी प्रदेशस्तरीय भेला दाङको लमहीमा भएको छ । उक्त भेला निवर्तमान केन्द्रीय सदस्य गेहेन्द्र गिरीको अगुवाईमा भएको हो ।

विशेष महाधिवेशनपछि कांग्रेसमा निम्तिएको असन्तुष्टि सुदृढ बनाउँदै समसामयिक राजनीतिक छलफलका लागि देउवा समुहले भेला सुरु गरेको थियो । हालसम्म अन्य ६ प्रदेशमा भेला समपन्न भइसकेको छ ।

भेलामा निवर्तमान सहमहामन्त्री किशोरसिंह राठोरसहित लुम्बिनी प्रदेशका पूर्वमुख्यमन्त्री तथा कांग्रेस प्रदेशसभा संसदीय दलका नेता डिल्लीबहादुर चौधरी, शहरी विकासमन्त्री सरोज थापा (रोज राणा) लगायत सहभागी छन् ।

प्रदेश भेलामा पार्टी संगठन सुदृढीकरण, आगामी राजनीतिक रणनीति तथा स्थानीय तह समन्वय विस्तारलगायतका विषयमा छलफल हुने कार्यसूची छ ।