काठमाडौं– त्रिभुवन विश्वविद्यालय, चिकित्सा शास्त्र अध्ययन संस्थान (टीयू–आईओएम) अन्तर्गत एमबीबीएस र बीडीएस अध्ययनरत विद्यार्थीहरूले रानो पाठ्यक्रम र परीक्षा प्रणाली तत्काल परिवर्तनको माग गर्दै प्रदर्शन गरेका छन् ।

मंगलबार माइतीघर मण्डलामा विद्यार्थीहरूले विभिन्न ६ बुँदे माग अघि सार्दै १९ वर्षदेखि लागू हुँदै आएको शैक्षिक प्रणाली तत्काल सुधार गर्नुपर्ने माग गरेका हुन् ।

प्रदर्शनमा सहभागी विद्यार्थीहरूले १९ वर्ष पुरानो पाठ्यक्रम तथा परीक्षा प्रणाली परिवर्तन गर्न, ‘ब्याच ड्रप’ प्रणाली खारेज गर्न तथा परीक्षामा वस्तुगत र विषयगत दुवै प्रकारका प्रश्न समावेश गर्नुपर्ने माग गरेका छन् ।

यस्ता छन् मागहरू :
१. १९ वर्ष पुरानो पाठ्यक्रम र परीक्षा प्रणाली तत्काल परिवर्तन गरियोस् !
२. ब्याच डूप प्रणाली खारेज गरियोस् !
३. वस्तुगत र विषयगत दुवै प्रकारका प्रश्न समावेश गरियोस् !
४.परीक्षाको तालिका व्यावहारिक बनाई पर्याप्त तयारीको समय सुनिश्चित गरियोस् !
५. अट्याम्स्को संख्या वृद्धि गरियोस् ! 
६. विद्यार्थीको मानसिक स्वास्थ्य, समय र भविष्य सुरक्षा गरियोस् !